grondegevlek

Soos skelms in die nag, sluip sluip
kom hulle vinniger, nader, kwader
sien die stof, die dans van die dode
krippel klim die spinnekoppe, kruip kruip

'n mooi wit gebou vir mooi wit wesens
waar woon die houer van die sleutels
daar slomer hulle in die daglig
altyd een oog oop, al kykende na die noorde

in die stilte het net die jakarandas gewieg
die vlag het liggies gefladder, skaam skaam
op 'n tak sit die hotnotsgot en wag
toe lig die wind die vlag nader, na genoeg

by die venster is n skaduwee wat sien
hoe klou die donker got aan die oranje hoekie
dan is die skaduwee weg,asof dit nooit daar was nie
soos die volk wat gekom het, tevergeefs

ek, suid-afrika, ek weën, kyk hoe skeur my hart
julle het my grond gevlek met julle bloed
swart bloed, wit bloed, oranje blanje blou
bring die einde gou,o aarde bring dit nou

hoe lank dink julle kan ek die pyn verduur
as ek dood is, wat dan, wat dan, o my weë
môre sal die son my nie meer seën nie
die hemele huil maar net jul trane moet reinig reinig

gedig deur Vyg Fynbos