Seep resep en metode
met praktiese wenke

Jy berei eerste die beesvet (tallow) voor.
Tweedens voeg jy soda by die beesvet om basiese seep te maak.
Derdens laat staan jy die basiese seep sodat dit die regte PH balans kan bereik en sodat dit kan verhard.
Vierdens kan jy dan die basiese seep gebruik in resepte vir handgemaakte seep waarby kleursels, geursels, kruie en speserye gevoeg word.

Deel 1: Hoe om beesvet (tallow) te kook vir die maak van seep

Stap 1: Ek het 5kg se beesvet by n slagter gekoop teen R3 n kilogram. Ek het soda by Pick n Pay gekoop (by die skoonmaakmiddels rak)

Stap 2: Sny die beesvet stuk vir stuk met n skerp mes in blokkies. My man het my gehelp om die vetblokkies deur n vleismeul te druk. (jy kan die slagter vra om die vet vir jou te meul)

stukke beesvet
Stap 3: Jy kan die beesvet op jou stoof smelt of buite op n vuur. Ek het helfde van die beesvet in n groot gietyster kastrol gegooi en sowat 1,5 liter water en n handjievol sout daarby gevoeg. moenie die pot oorlaai nie Stap 4: Roer die beesvet en water oor n matige temperatuur. Druk groterige stukkies vet plat met jou houtlepel. Moenie jou pot oorlaai nie, as dit oorkook kan dit aan die brand slaan.
roer die vet
Die beesvet neem so 30-40 minute of langer om goed uit te kook.
nou is die vet uitgekook
Stap 5:Wanneer al die beesvet gemelt is en meeste van die water afgekook het gooi die vet deur n sif in n bak en laat die afkoel.
gesifte beesvet in houer
In die sif sal daar stukkies vleis oorbly. Gooi dit in n bakkie en laat afkoel en voer dit vir tuinvoels of n hond.
afgekoelde beesvet
Die afgekoelde beesvet begin stol. Nou kan jy dit in jou yskas of vrieskas bere tot jy seep gaan maak. Herhaal die proses om die orige helfde van die beesvet te smelt.

>> Kliek vir Deel 2: Hoe om basiese seep te maak